Wo fang ich nume a...
Es het alles agfange im EB, wo mir nachme Spiel abgmacht händ zum FIFA spiele oder so. Denn hämmer zäme afo chille und sind wiiter ins D und nochher in d Sek zum Golay und em Biel 😭🙏.
Im CA denn immer schön uf em Heimweg in Tamile-Schuppe es Uludag und Skittles go hole.
Zur gliiche Zit hets Agfange mit de Bewerbige und ich weiss no genau, wo du mir am Morge verzellt hesch, dass du d Lehrstell bi dr BLKB beko hesch...
Und denn e Monet spöter han ich mini au gha - und wieder mol händ mir genau s gliche usgsuecht 😂. Jetzt sind scho 10 Joor vergange und du wirdsch scho 18.
Ich wünsch dir nume s Bescht und Gottes Säge für dis negschte Lebensjoor, ich hoff du fiirsch dich hüt mol so richtig und gniessisch de Tag in volle Züg.
Es isch mol Zit eifach es fetts Danke z sage, für alles was du mit mir usghalte hesch, aber au für all die unbezahlbare und unvergessliche Erinnerige, wo mir zäme dörfe teile.
Ich bin so gsägnet, mit me so tolle Fründ wie dir 🫶(no homo) und ich freu mich uf alles, was d Zuekunft für uns bereithaltet, egal ob mir als Dönermänner ende oder in dr Cyber es paar Russe klatsche, ich freu mich druf, will ich weiss, dass es mit dir wird si.
Egal wo's dich aneverschloht oder du bisch, du hesch e ganz spezielle Platz in mim Härz.

Tim